做過非正式調查，公司同事十個有九個都唔梳頭，覺得沒必要，直接落髮泥或者吹頭就得。其實梳頭，除了幫你造型，或者有養生作用。註冊中醫師楊明霞說，梳頭可以令頭皮本身的血液供養好一點，同時有通經活絡作用，可以令改善毛囊健康，令頭髮生長得更好，少白髮，少斷裂。
楊醫師說，頭部本身有很多穴位，平常多梳頭，就可以幫助刺激頭部。正常來說，八成以上的頭髮都處於生長期，處於休止期和退化期的頭髮，大約有兩成。如果頭髮比例少過八成處於生長期，就會容易甩頭髮。在這段時間，最重要令頭髮毛囊生長得到改善。
梳頭，就可以幫助改善毛囊狀況。
方法如下，把頭髮撥向前邊，把頭分成5條線，頭中間一條線，中線左右兩邊，各有兩條線。每條線梳大約十至二十下。
梳頭記得用木梳或水牛角梳，它們都可以令頭髮少點靜電，少一點斷裂。如果是膠梳，靜電會強烈一點，拉扯頭髮機會更高，易斷裂。
平常容易甩頭髮的人，如果剪短頭髮，頭髮會沒那麼容易斷裂，又可以順便轉新髮型，得咗。